ﻟَﺘِﻪ ﻟِﺘﮑﺎ ، ﺳﯿﻮ ﺗﯿﮑﺎ ﻗَﺸِﻨﮕِﻪ
ﮔُﻞِ ﺍَﺩﺍ ، ﺩﺍﺭِ ﺟﯿﮑﺎ ﻗَﺸِﻨﮕِﻪ
ﮐَﮑﯽ ﺯﻭﻟِﻨﮓ، ﮐﺎﺭﺩﯼ ﻭﺷِﻨﮓ ﻗَﺸِﻨﮕِﻪ
ﺑﻮﺭِ ﻭِﺭﺯﺍ ، ﮐَﭽِﻞ ﺟُﻨﮑﺎ ﻗَﺸِﻨﮕِﻪ
ﺩَﺭِﻩ ﯼ ﺍُﻭ ﮔﻮﺳﻔِﻦِ ﻧﻮ ﻗَﺸِﻨﮕِﻪ
ﭼِﻨﺎﺭِ ﺗَﻦ ﺳَﺒﺰِ ﻗِﻮﺍ ﻗَﺸِﻨﮕِﻪ
ﮐِﻼﺝ ﭘِﻪ ﺑﻮ ، ﻓِﻨِﺮِ ﺳﻮ ﻗَﺸِﻨﮕِﻪ
ﻭَﻟﯿﮓ ، ﮐﺎﻧﺪِﺱ ، ﺳﯿﻮ ﺗِﻠﮑﺎ ﻗَﺸِﻨﮕِﻪ
ﯾﺎﺑﻮﯼ ﺗَﻨﮓ ، ﺩَﺷﺘﯽ ﮔﺪ ﺳﻨﮓ ﻗَﺸِﻨﮕِﻪ
ﺩﺍﺭ ﺳَﺮِ ﻭﺍﺵ ﻫَﻠﯽ ﺯِﻟﮑﺎ ﻗَﺸِﻨﮕِﻪ
ﻻﻗﻠﯽ ﮐِﻤﺎﺝ ، ﺗِﻼﯼ ﺗﺎﺝ ﻗَﺸِﻨﮕِﻪ
ﺍَﺭِﮒ ﻣِﻨﺪﺍﮎ ، ﺍَﻟﺰﯼ ﻟﻮﻻ ﻗَﺸِﻨﮕِﻪ
ﺩﯾﺰﯼ ﮐِﻠِﻪ ﺳَﺮ، ﮐِﺘﺮﯼ ﮐِﻠِﻪ ﻭَﺭ ﻗَﺸِﻨﮕِﻪ
ﮐَﺘِﻞ ﺗَﺶ ، ﺳَﺮﺩِ ﻫِﻮﺍ ﻗَﺸِﻨﮕِﻪ
ﺳَﺮِﻩ ﻭَﺯﻟﯿﮓ ، ﭘَﻨﺪﯾﺮِ ﺧﯿﮏ ﻗَﺸِﻨﮕِﻪ
ﺳَﺮِ ﮐﻮﻩ ﻭَﺭﻑ ، ﮐﻮﻫﯽ ﮐﯿﺠﺎ ﻗَﺸِﻨﮕِﻪ
ﺟِﻔﺖ ﻭ ﺍِﺯﺍﻝ ﻣﻮﺯﯼ ﺧﺎﻝ ﻗَﺸِﻨﮕِﻪ
ﭼﻮﯾﯽ ﮐَﭽِﻪ ﭼﻮﯾﯽ ﮐِﺘﺮﺍ ﻗَﺸِﻨﮕِﻪ
ﺩﯾﻨﮕﺎﻟِﻪ ﭼﻮ ، ﮔَﻨﺪِﻡ ﮐَﺴﻮ ﻗَﺸِﻨﮕِﻪ
ﺩﺳﺖ ﺑَﺰِﻩ ﺁﺭﺩ ، ﺍِﻣﺎﭺ ﺣِﻠﻮﺍ ﻗَﺸِﻨﮕِﻪ
ﺩﺍﺭِ ﺗَﮏ ﺗَﮏ ، ﭼَﭙﻮﻥِ ﺳﮓ ﻗَﺸِﻨﮕِﻪ
ﭘﯿﺮِ ﺯِﻧﺎ ﮐﺎﻧﺪِﻩ ﮐِﻠﻮﺍ ﻗَﺸِﻨﮕِﻪ
ﮔﻮﺳﻔِﻦِ ﺗﺎﻝ ، ﻗﺎﻃِﺮِ ﻧﺎﻝ ﻗَﺸِﻨﮕِﻪ
ﯾﻮﺭِ ﺍَﺳﺐ ﺭﺍﻩ ، ﮐﻮﻩ ﻭ ﺻَﺤﺮﺍ ﻗَﺸِﻨﮕِﻪ